Plantun de Prouvènço

Pèr coumpara dos planto d'encò nostre

Caltha palustris & Gagea lusitanica

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Estello-jauno(-dóu-Pourtugau)

Gagea lusitanica

Liliaceae Liliaceae

Nom en français : Gagée du Portugal.

Descripcioun :
L'estello-jauno-dóu-Poutugau, di proun raro au nostre, trachis dins li tepiero roucaiouso e secarouso de colo sus cauquié. Es uno planto que flouris pas mau, li fueio basalo soun drecho, longo, councavo amé lou bout se à la flourido. Es pancaro marcado sus la tiero di planto aparado (listo roujo) mai la fau counsidera coume se l'èro que trachis à-n-un soulet endré de Ventùri.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 10 cm
Fueio : Costo paralèlo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 15 à 19 mm
Flourido : Printèms

Sòu : Ca
Autour basso e auto : 700 m
Aparado : Vo
Mars à abriéu

Liò : Tepiero roucaiouso
Estànci : Mesoumediterran à Subremediterran
Couroulougi : Iberìo-Prouvènço
Ref. sc. : Gagea lusitanica Terracc., 1904

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Gagea lusitanica

ges

Coumpara Gauche-d'aigo emé uno autro planto

Coumpara Estello-jauno(-dóu-Pourtugau) emé uno autro planto